強人有罪?

一直以來,港男都係香港最有智慧,最有正義感,最有愛心,最善良,最健康,最高尚人格,最多才多藝 . . . . . .而且樣貌,身材,體能,學識兼備既香港瀕臨絕種既真好男人!自從上次再度見報,港男既威名更加遠播!由於香港頹廢青年當道!港男越係出名,反而越招人妒忌!除左影片俾人中傷,而家連健身院都有人要陷害佢!上星期四,港男去銅鑼灣舒適堡分店健身!如常跑步,然後打筋斗,跟住做健身!當時有人認得呢個打筋斗既正係剛剛上過報紙既港男!就立即投訴話港男係健身室做危險動作,會危害到其他會員既安全!打筋斗對於普通人來講,確實等同玩命!但係對於一個練左14年健身,4年瑜珈,4年短跑既香港傑出全能運動員來講,卻只係一個熱身小動作而已!根本毫無難度同危險性!點會危害到其他人呢?而且佢地仲發出指令要所有分店禁止打筋斗!由於全線舒適堡幾萬會員中,只有一個人有打筋斗既能力!好明顯就係有人妒忌港男除左身材健美,速度,柔軟度俱全,仲擁有打筋斗既高強武藝,而設計陷害港男!香港人頹廢我無辦法改變!我唯一能夠做既就係令自己變強!難道我都有錯嗎?