中傷的技巧!

早前港男宣佈唔再填詞唱歌之後,有一個"愛吃精子的人"留言叫我一定要繼續唱落去!而且每星期最少要出一首新歌!但係佢又話我d歌無教育性!得啖笑!肯睇我已經好俾面!如果呢d係大家既心聲,咁我就真係唔會再唱喇!於是呢條友就寫左一段千字留言鬧我! http://hk.myblog.yahoo.com/supersonicgod/article?mid=405
對於每日都俾白痴仔中傷既港男來講,清理垃圾留言係我每日既例行公事!花左一個通宵寫得咁辛苦既留言,我睇都唔睇就刪除左!一定激到佢爆漿喇!其實要中傷一個人係需要有技巧!一定要講"中"對方既弱點!佢先至會受"傷"!港男經常唱衰d頹廢青年!例如:煙剷食煙生cancer,賭仔賭錢輸身家,鹹蟲叫雞染性病,港女做雞無人吼 . . . . . .通通講中晒佢地死穴!激到佢地爆晒漿!但係呢班廢人鬧我就一味:"on9,樣衰,好柒,媾唔到女,基佬,失業漢,羅綜援 . . . . . ."通通與事實不符!我睇到又點會嬲至得咖?要中傷港男,必需講中港男既弱點!雖然港男又靚仔!又大隻!運動又掂!又聰明!又識填詞,唱歌!又有錢!又有靚老婆同可愛BB!但港男其實都有好多弱點!舉例:港男打唔到空翻加轉體,打籃球入唔到樽,做唔到單手倒立,做唔到湯馬斯盤旋,十秒鐘還原唔到扭計骰,一生從未贏過任何奧運獎牌,諾貝爾獎,奧斯卡金像獎,從未試過將一個廢人教返好,唔能夠阻止地球暖化,亦破解唔到黑洞的秘密 . . . . . .因此各位白痴仔只要對正港男呢d弱點攻擊!就可以成功將港男中傷喇!