愛吃提子的人!

自從上年港男開始填詞唱歌,好多人聽過港男既作品,都深深感受到港男既智慧,正義,愛心,勇氣,才華 . . . . . .確係無人能及!港男又靚仔!又大隻!力量,速度,柔軟度俱全!又聰明!又識玩扭計骰!又識填詞,唱歌!又有錢!又有靚老婆同可愛BB . . . . . .實在太令人羨慕喇!由於港男唱既歌大部分都係唱衰香港頹廢青年!因此好多頹廢青年對港男十分痛恨同妒忌!有一個"愛吃提子的人!"經常用唔同身份,有時扮細路,有時扮女人,又時扮鬼佬,有時又做返自己,係我d影片同網誌度留言俾我!有時會讚我,有時踩我,又好鍾意教我做人,但係自己就乜野資料都無俾人睇!自從上次我話唔唱歌,佢就不停係我d網誌留言中傷我!唱唔唱歌係我既自由!唔唱就當我仇人!跟住就不停發表佢d偉論!又話佢本人智商有150,佢隻貓智商131,又話佢靚仔過劉德華!有錢過李嘉誠!又話佢係奧運冠軍!又話尹光唱d歌好有教育性!又話佢贏左部手提電腦!叫我"CATCH ME IF YOU CAN！",佢父母早幾年生癌死,又話係我殺既!又話我整lum個股市,害死d股民!又話d港女之所以咁衰係我造成!又話我係金正日個仔!又話我係九一一襲擊既幕候黑手 . . . . . . .呢種人肯定心理變態同精神分裂!上次佢留言不慎留左自己blog名!原來呢個人都有寫blog!不過全部都係講劇集!一d自己野都唔講!咁又岩既,講劇集肯定多人睇!講自己咪盞俾人踩到體無完膚!愛吃提子的人!我知道你一定有野要講!留言俾大家睇吧!