港男見導演!

六年前港男曾經係男女字典做臨時演員!當時擔任該片既副導演,早前聯絡港男有關拍片及商量合作發展!昨日港男去到呢位導演既辦公室,佢係從事電影製作,經常會同一班同事拍片放上網宣傳!不過佢既影片大部分係以Kai(傻)為主題!佢話港男拍左咁多片都只係用來娛樂!就算再拍多幾年情況都唔會有乜改變!點解唔將呢個嗜好用來發展搵錢呢?佢話我拍d片好雜!拍埋d Kai片,但又係片頭警告d人唔准留言鬧我係自相矛盾!而且會嚇走廣告商!佢話d人鍾意睇我d片係因為我唱d歌唔好聽,做埋d野夠傻!覺得好笑!又教我點樣將d音樂效果整好d吸引觀眾 . . . . . .真係令我好失望!原來呢位導演根本完全唔識得欣賞我既影片!亦唔知我拍片既目的!港男將自己既各種才華(包括:健身,瑜珈,跑步,打筋斗,紐計骰,填詞,唱歌 . . . . . .)盡展俾大家睇!藉著唱歌,將導人向善既訊息教導大家都唔知!以為我拍片只係扮小丑引人笑!由於港男拍片主要目的係教人向善!因此甚少係影片度加上配樂,效果,剪接,拍攝技巧 . . . . . .既後期製作!與佢呢d為商業用途而拍既搞笑電影完全唔同!不過如果將來有需要都可以一齊拍片既!