如何對抗煙草稅?

係金融海嘯下,好多人收入都少左!無野做,憂愁都會令人煙癮大增!政府早前仲大幅增加煙草稅,等於落井下石!令廣大既煙民負擔百上加斤!其實煙稅貴左就索性戒左去唔食咪得咯!慳錢之餘仲有益健康!對環境同家人都有好處!但係對於每日食煙多過食飯既煙民來講,戒煙就等同話俾人知:"你窮到連煙都食唔起!"以後仲點樣見人呢?對於愛面子既香港人來講真係比死更難受!有見及此港男就教下各位窮煙剷點樣慳煙錢!
一,食乾淨--香港人食煙通常都係食一半就丟!以後就要食到無晒至丟!減少浪
費之餘!仲可以減低火災機會!
二,一齊食--當大家每吸完一啖煙,通常都需要一段時間回氣!回氣時支煙仍然
繼續燒!換句話講,回氣越耐,吸煙既次數就相對少左!為免徙野,應該
好似食大麻咁,一班人輪流一人一啖咁吸!
三,買走私煙--走私煙檔周圍都有,想慳錢梗係買走私煙啦!
四,上多d大陸--每日上一次大陸買三包免稅煙可以慳返幾十蚊!減返車錢都有
著數!
五,執煙頭--見到有人丟煙頭,趁支煙仲未燒完即刻走去吸乾淨佢!還保又慳錢!
只要各位煙民能夠珍惜吸每一啖煙既機會,就算煙稅再加多一百倍,你都一樣可以照常食煙食到生癌致死!