香港人的短片!

youtube係現時全球最多人瀏覽既分享短片網站!好多人都會每日上去睇下有乜新片!亦有d人會自己拍片放上去俾大家欣賞!不過大家有無發覺香港人拍既短片,同外國人拍既片(除左種族同語言外)有乜野分別呢?當大家欣賞人地既短片時,首先都會睇下對方係乜水!但係好奇怪一樣野,如果你睇既片係香港人製造既話,通常係睇唔到樣!佢地個鏡頭通常影d物件,影背脊!總之唔會影到個樣!甚至連說話都唔會講!每當我睇到呢d片時,就會覺得:"你拍得片俾人睇,如果段片係正常,合法!點解唔俾人睇你個樣?聽你把聲呢?又無人迫你要拍片!驚俾人知你既身份咪唔好放上網咯!"其實d人唔俾樣人睇,原因好簡單!好多香港人都鍾意惡意批評人地拍既片!當自己有片放上網,好自然就會聯想到其他人會惡意批評返自己啦!於是咪唯有隱藏自己個樣咯!正所謂:"醜婦終須見家翁"除非你打算一世做隻縮頭烏龜,否則你既身份始終都要曝光!行得正,企得正,就應該學港男咁堂堂正正以真面目示人!先至唔會俾外國人笑香港人係老鼠!