港男打機同人嘈!

自從幾年前有一位朋友話俾港男知觀塘有一間機舖,環境清潔,又有港男最鍾意玩既四打spikeout後!每逢放假港男都會去個度同d機友一齊玩餐飽!不過近排越來越多人玩呢部機!搞到港男放假都要好似返工咁早起身趕去機舖!遲左去隨時俾人玩晒就要等好耐先有得玩!一個星期得兩日假,如果唔玩足一個下午又點夠盡興?為免俾人跟機無得玩,港男每次都會放十幾蚊係機面霸機!(呢個係打機慣例)咁就可以玩個夠喇!昨日我打機時,有一個年約廿歲既青年跟我機,當我一局死左來過局新個陣,佢就話跟左機要我俾佢玩!因為我仲有錢係機面,所以照理我係可以繼續玩落去!但佢話打機規矩係一舖死左就要讓跟機既人玩!我無理佢繼續從新玩過,跟住佢就係我背後不停講粗口鬧我!我企起身谷起一隻比佢個頭還要大既手臂問佢:"你係咪想俾我打呀?"呢個蘇智樑(生命鬥士)身形既廢柴竟然完全唔驚!仲繼續講粗口挑釁我打甩佢個頭!跟住我就建議將呢局讓俾佢玩,叫佢俾返$3我!點知佢又唔肯!又話將d錢丟左都唔俾我!咁我咪繼續玩咯!後尾我個朋友個局死左俾佢玩!佢加入來就同我玩PK(殺自己同伴)不過技術又未到家殺我唔到!本身我對呢個人係無敵意!我唔明點解佢好似同我有仇咁!玩到中段我見佢開始無再同我玩PK,我就無再整佢,仲係多個重要關頭俾左好多能源佢食!佢對我既敵意亦似乎減左好多!大家都係來打機,如果你真係好想玩,咪好聲好氣叫我讓你玩先咯!點解要講粗口挑釁我呢?若非港男係香港最善良最有愛心既香港瀕臨絕種既真好男人,呢個青年既身體已經四分五裂喇!